Нийслэлийн Хяналт шалгалтын газрын 2025 оны жилийн эцсийн тайлангийн хурал амжилттай зохион байгуулагдлаа.

Тус газар нь Захиргаа, санхүүгийн хэлтэс, Дотоод хяналт-шинжилгээний хэлтэс, Барилга байгууламж ашиглалт, бүртгэлийн хэлтэс, Барилгын стандарт, аюулгүй байдлын хяналтын хэлтэс, Дэд бүтцийн стандартын хяналтын хэлтэс, Орчны аюулгүй байдлын хяналтын хэлтэс гэсэн нийт 6 хэлтсийн 67 албан хаагч хамрагдаж тайлангаа тавьлаа.
Тайлангийн хурлаар 2025 онд хууль тогтоомж, бодлого шийдвэрийн хэрэгжилтийг хангах хүрээнд хийж хэрэгжүүлсэн хяналт шалгалт, урьдчилан сэргийлэх арга хэмжээ, стандартын хэрэгжилт, байгууллагын дотоод зохион байгуулалт, сахилга хариуцлагын чиглэлээр ажлын үр дүнг нэгтгэн тайлагнала.
Газрын дарга С.Энхбаяр 2025 оны ололт амжилт, тулгамдсан асуудлыг хэлэлцэн цаашид анхаарч хэрэгжүүлэх зорилт, арга хэмжээний чиглэлийг өглөө.
Мөн тайлангийн үеэр “Хөдөлмөрийн хүндэт медаль”-иар Барилгын стандарт, аюулгүй байдлын хяналтын хэлтсийн Барилгын техникийн хяналтын Улсын ахлах байцаагч З.Ганбат, Дэд бүтцийн стандарт хяналтын хэлтсийн Автотээврийн хяналтын Улсын байцаагч У.Энхтөр нар тус тус шагнуулсаныг гардууллаа.

БАЙГУУЛЛАГЫН АВАРГА ШАЛГАРУУЛАХ 5 ТӨРӨЛТ СПОРТЫН ТЭМЦЭЭН” ЗОХИОН БАЙГУУЛЛАА

Байгууллагын дэргэдэх Биеийн тамир спорт хамтлагын үйл ажиллагааг идэвхжүүлэх, албан хаагчдын эрүүл, идэвхтэй амьдралын хэв маягийг дэмжих,  чөлөөт цагаа зөв боловсон өнгөрүүлэх, багаар ажиллах чадварыг нэмэгдүүлэх зорилгоор “Байгууллагын аварга шалгаруулах 5 төрөлт спортын тэмцээн” зохион байгуулж шилдгүүдээ тодрууллаа

“Барилга байгууламжийн ашиглалт, орчны аюулгүй байдлыг хангах, инженерийн дэд бүтцийн аюулгүй ажиллагааг сайжруулах нь” сургалт зохион байгууллаа.

Нийслэлийн Хяналт шалгалтын газраас нийслэлийн 8 дүүргүүдийн сургуулийн өмнөх боловсролын байгууллага, ерөнхий боловсролын сургуулийн удирдлага, хангамж үйлчилгээний ажилтнуудад зориулан “Барилга байгууламжийн ашиглалт, орчны аюулгүй байдлыг хангах, инженерийн дэд бүтцийн аюулгүй ажиллагааг сайжруулах нь” сэдэвт сургалтыг 2025 оны 11 дүгээр сарын 04-07-ны өдрүүдэд зохион байгууллаа.

Сургалтад Хан-Уул, Чингэлтэй, Сонгинохайрхан, Баянгол, Сүхбаатар, Налайх, Багахангай, Багануур дүүргийн сургууль цэцэрлэгийн 384 удирдлага,  албан хаагч хамрагдлаа.

Санал авч байна

“Барилга байгууламжийг ашиглалтад оруулах дүрэм”-ийн шинэчилсэн төсөлд санал авч байна

Засгийн газрын 2021 оны 212 дугаар тогтоолоор батлагдсан “Барилга байгууламжийг ашиглалтад оруулах дүрэм”-ийг шинэчлэн батлах төслийг боловсруулж байна.

Төсөлд тусгах саналаа 2025 оны 11 дүгээр сарын 07-ны дотор дараах хаягаар ирүүлнэ үү:
b.sarangerel@inspection.ub.gov.mn

Монголын Барилгын инженерүүдийн холбоо ТББ-тай хамтран Улсын байцаагчдыг /ахлах/ чадавхжуулах сургалт зохион байгууллаа

Нийслэлийн иргэдийн эрүүл аюулгүй орчинд амьдрах эрхийг хангах зорилтын хүрээнд хот байгуулалт, барилга, дэд бүтцийн салбарт хэрэгжих бүтээн байгуулалт, ашиглалт, засварын ажил, үйлчилгээнд хууль тогтоомж, үндэсний болон хотын стандарт, нормыг мөрдүүлж, төрийн хяналт шалгалтын үр нөлөөтэй байдлыг сайжруулах зорилгоор Монголын Барилгын инженерүүдийн холбоо ТББ-тай хамтран 2025 оны 10 дугаар сарын 10-11-ний өдрүүдэд Улсын байцаагчдыг /ахлах/ чадавхижуулах сургалт зохион байгууллаа. Сургалтаар барилгын салбарын хууль, эрхзүйн орчин, зураг төслийн ажлын удирдлага, зохион байгуулалт, хяналт, газар хөдлөлийн хүчитгэлийн ерөнхий зарчим, үнэлгээ хийх аргачлал сэдвүүдээр салбарын зөвлөх инженерүүд хичээл зааж мэргэжил арга зүйн зөвлөгөө өгөв