Өвөлжилтийн бэлтгэл хангах болон болзошгүй эрсдэлээс урьдчилан сэргийлэх сургалт зохион байгуулагдлаа

Монгол Улсын Ерөнхий сайдын 10 дугаартай албан даалгавар, Нийслэлийн Засаг даргын 2026-2027 оны өвөлжилтийн бэлтгэл хангах тухай А/738 дугаар захирамж, Хяналт шалгалтын газрын хэрэгжүүлэх ажлын хүрээнд нийслэлийн төвийн 6 дүүргийн төвлөрсөн системд холбогдох боломжгүй ерөнхий боловсролын 38 сургууль, 65 цэцэрлэгийн нийт 103 захирал, эрхлэгч, инженер техникийн ажилтанд зориулсан сургалт зохион байгуулагдлаа.

Сургалтаар хийн халаалтын системийн ашиглалт, аюулгүй байдал, ус хангамж, ариутгах татуурга, цахилгаан, дулаан, барилга байгууламжийн ашиглалт, сургууль, цэцэрлэгийн гадна орчны аюулгүй байдлын стандартын талаар улсын ахлах байцаагчид танилцуулж, өвөлжилтийн бэлтгэл хангах болон болзошгүй эрсдэлээс урьдчилан сэргийлэх зөвлөмж өглөө.

Мөн халаалтын зуух, инженерийн шугам сүлжээний ашиглалт, шаардлагатай хөрөнгө оруулалт, мэргэжлийн хангагч байгууллагын оролцоо, хяналтын байгууллагын үзлэг, зөвлөн туслах үйлчилгээний талаар мэдээлэл өгч, засварын ажлыг Нийслэлийн Засаг даргын 2026 оны 04 дүгээр сарын 27-ны өдрийн А/623 дугаар захирамжаар баталсан “Нийслэл дэх барилгын ажлын аюулгүй ажиллагаа”-ны журмыг мөрдөж ажиллахыг зөвлөв.

Сургалтын хүрээнд бага ангийн хүүхдүүдэд зориулан дэд бүтцийн стандартын хяналтын 7 чиглэлээр мэдлэг олгох зурагт хуудас, сургуулийн гадна орчны UCS стандартын ном тарааж, нийслэлийн сургууль, цэцэрлэгүүдийн өвөлжилтийн бэлтгэлийг сайжруулах, хүүхдийн сурч боловсрох орчны аюулгүй байдлыг хангах мэдлэгийг нэмэгдүүллээ.

Сэрэмжлүүлэг

Цаг агаарын урьдчилсан мэдээгээр ойрын өдрүүдэд Салхи баруун өмнөөс секундэд 6-11 метр, зарим үед секундэд 13-15 метр хүрч ширүүсэхээр байна. Иймд хяналт шалгалтын байгууллагаас дараах СЭРЭМЖЛҮҮЛГИЙГ хүргэж байна.

“Тэрбум мод” үндэсний хөдөлгөөний хүрээнд

Монгол Улсын Ерөнхийлөгчийн зарлигаар жил бүрийн 05 дугаар сард хэрэгжүүлдэг “Тэрбум мод” үндэсний хөдөлгөөний хүрээнд ногоон байгууламжийг нэмэгдүүлэх, агаарын бохирдлыг бууруулах үйлсэд бодитой хувь нэмэр оруулахаар Нийслэлийн Хяналт шалгалтын газраас өнгөрсөн хугацаанд 4 байршилд нийт 180 гаруй мод, модлог ургамал тарьж ургуулаад байна. 

Хяналт Шалгалтын Газраас Монгол Улсад орчин цагийн барилгын салбар үүсэж хөгжсөний 100 жил, Хяналтын салбар үүссэний 70 жилийн ойг угтан Үндэсний цэцэрлэгт хүрээлэнгийн сур харвааны байт талбайд 60 ширхэг нохой хошууны суулгац тарьж, төгөл байгууллаа. 

Хамтдаа тарья. Хамтдаа ургуулъя. Хамтдаа хамгаалъя.

Өнөөдөр тарьсан мод — маргаашийн ногоон ирээдүй.

Хот байгуулалт, барилга, орон сууцжуулалтын яамнаас “Хот байгуулалт, барилга, өргөх байгууламжийн салбарын хууль тогтоомжийн шинэчлэл, норм нормативын хэрэгжилтийн талаар улсын байцаагчдын хэлэлцүүлэг”-ийг 2026 оны 05 дугаар сарын 14-15-ны өдрүүдэд Улаанбаатар хотод зохион байгуулж байна.

Тус хэлэлцүүлэгт Нийслэлийн Хяналт шалгалтын газрын Барилгын техникийн хяналтын улсын ахлах байцаагчид оролцож, салбарын хууль эрх зүйн шинэчлэл, хяналт шалгалтын өнөөгийн асуудал, хиймэл оюун ухааны хэрэглээ болон “20 минутын хот” төлөвлөлтийн талаар санал солилцож байна. 

“ХУУЛЬЧИЙН ПРО БОНО ӨДӨРЛӨГ-2026”

Байгууллагын үйл ажиллагааг иргэн, хуулийн этгээдэд сурталчлан таниулах, мөн барилга, дэд бүтцийн салбарын эрх зүйн мэдлэгийг дээшлүүлэх хүрээнд Нийслэлийн Хяналт шалгалтын газар тус өдөрлөгт оролцоно.

Иргэд аж ахуйн нэгж та бүхэн барилга, дэд бүтцийн салбарын хууль тогтоомж, эрх зүйн асуудлаар зөвлөгөө, мэдээлэл авахыг урьж байна.

Хэзээ, хаана: Сүхбаатарын талбайд, 2026 оны 05 дугаар сарын 01-ний өдөр