Албан хаагчдад “Хүний эрх ба жендер” сэдвээр сургалт зохион байгууллаа

Нийслэлийн Хяналт шалгалтын газрын Хүний эрх, жендерийн зөвлөлийн 2025 оны батлагдсан төлөвлөгөөний дагуу “Хүний эрх ба жендер” сэдвээр сургалтыг 2025 оны 10 дугаар сарын 01-ний өдөр Хүний эрхийн үндэсний комиссын ахлах референт Э.Мөнхзул удирдан зохион байгууллаа. Сургалтад тус газрын 50 гаруй албан хаагч оролцлоо. Мөн 2025 оны 10 дугаар сарын 01-ний өдрөөс эхлэн “Хүний үнэ цэнэ, шударга ирээдүй” уриан дор 45 хоногийн аян эхэлж байгаа мэдээллийг тус газрын Хүний эрх, жендерийн зөвлөлийн гишүүн газрын тос, хийн хяналтын улсын ахлах байцаагч Ч.Ганхуяг танилцууллаа. “Хүний үнэ цэнэ” гэдэг нь хүн бүрт төрөхөөс нь эхлээд заяагдсан, өөрийн гэсэн үнэ цэнэтэй байдал, эрхэм чанар, нийгэмд эзлэх байр суурь, бас хүний амьдралын утга учир, зорилго зэргийг багтаадаг ойлголт юм. Үүнийг дараах байдлаар тайлбарлаж болно: 1. Төрөхөөс авхуулаад үнэ цэнэтэй — Хүн бүр адил тэгш эрхтэй, төрөхдөө үнэ цэнэтэй байдаг. Энэ нь хүний эрх, эрх чөлөө, шударга ёсны үндэс суурь болдог. 2. Ёс суртахуун, ёс зүй — Хүний дотоод ёс зүй, үнэт зүйлс нь түүний үнэ цэнийн гол хэсэг. Хүнд шударга байдал, энэрэнгүй сэтгэл, хариуцлага зэрэг чанарууд үнэ цэнийг нэмдэг. 3. Нийгэмд эзлэх байр суурь — Хүн нийгмийн нэг хэсэг учраас бусдад эерэг нөлөө үзүүлж, хамтран ажиллаж байх нь үнэ цэнийг бататгадаг. 4. Өөрийнхөө үнэ цэнийг ухамсарлах — Хүн өөрийгөө хүндэтгэж, хөгжүүлж, амьдралынхаа зорилгод хүрэхээр тэмүүлж байх нь үнэ цэнийг улам нэмэгдүүлдэг. Хүний үнэ цэнэ бол ямар ч нөхцөлд хүндэтгэгдэх ёстой бөгөөд хүний амьдрал, эрх чөлөө, сонголтод хүндэтгэлтэй хандах ёстой үндсэн зарчим юм.